dat slot so vreseliken an gestormt mit grote sware
stenen vanden bossen dair op te werpen dat hi dat
voirgeburcht met allen seer dair mede quetste ende
brac ende dat ten lesten dye grote torn des voer-
burchts neder viel met hem ter neder treckende
een groot stuc vander muren datmen lichteliken
sien mochte wat men int voerburch dede ende ge
schiede.
Ten lesten scoten dye van Dordrecht enen groten
swaren steen wt eenre bussen ende viel in dat voer
burch op een huys staende mit hoy. In welken huys
bi den viere saten Otte van Driel mit noch IIII
ander gewonde knechten ende dat huys viel neder
op dese knechten ende verbranden mit huys ende
mit hoy, ende al datter in was.
Ende ter wylen dat dese brant geduerde soe liepen
die Hollanders an ende wonnen dat voerburch.
Ende als die gene dat sagen dye int voerburch
waren dat si soe overvallen worden lyepen si mit
haesten op dat slot om dat te bescermen, mer die
Hollanders scoten soe vervaerlicken met clovers
ende mit armborsten op tslot dat si nauweliken een
veinster op doen en mochten. Ende als dit stormen
enen dach ende nacht hadde gheduert, predenteer-
den si hem op te gheven in ghenaden vanden her
toghen, ende si gaven hem zich) gevangen in
des Graven handen van Oestervant opten Heilighe
Ghoeden Vridach tsnachts. Die Grave van Oester
vant beval zyn getrouden vrienden dat huys ende
hi reisde mitten gevangen tot sinen vader mit gro
ten prise ende triumphe ende worde blydelic ont-
fangen opten Heiligen Paesch avont onder welcken
dat waren drie sonen vanden voerseyden heren
Bruystone, ridder.
15